ورلڈ ایتھلیٹکس جیولن تھرو، ارشد ندیم کا چیمئپن شپ میں پانچواں نمبر

لاہور:پاکستانی اولمپیئن ارشد ندیم نے امریکہ کے شہر اوریگون میں ورلڈ ایتھلیٹکس چیمپئن شپ میں مردوں کے جیولن تھرو فائنل میں پانچویں پوزیشن حاصل کی۔تفصیلات کے مطابق فائنل میں ارشد ندیم نے 86.16 میٹر کے فاصلے سے تھرو کیا جو ان کا سیزن کا بہترین تھرو تھا۔
ملک کے سٹار جیولن پھینکنے والے اپنے گروپ بی کے کوالیفائنگ راؤنڈ کے دوران 81.71 میٹر کی دوری پر پھینک کر جمعہ کو فائنل میں پہنچ کر مجموعی طور پر نویں نمبر پر رہے۔دوسری جانب بھارت کے نیرج چوپڑا نے 88.13 میٹر کی تھرو کے ساتھ چاندی کا تمغہ حاصل کیا۔ورلڈ ایتھلیٹکس چیمپئن شپ میں شرکت ارشد کا ٹوکیو اولمپکس کے بعد پہلا بڑا بین الاقوامی ایونٹ تھا، وہ پہلے پاکستانی ہیں جنہوں نے عالمی ایتھلیٹکس چیمپئن شپ کے لیے کوالیفائی کیا ہے۔