کمبوڈیا: کمبوڈیا کی عدالت نے اپوزیشن لیڈر کیم سوکھا کو غداری کے الزام میں 27 سال قید کی سزا سنادی۔
میڈیا رپورٹس کے مطابق کمبوڈیا کے اپوزیشن لیڈر کیم سوکھا گھر میں نظربند تھے، ان کے خلاف تین سال سے غداری کا مقدمہ زیر سماعت تھا جو کورونا کے باعث تاخیر کا شکار ہوا ، اب کمبوڈیا کی عدالت نے اپوزیشن لیڈر کیم سوکھا کو غداری کا مرتکب قرار دیتے ہوئے 27 سال قید کی سزا سنائی ہے۔
کمبوڈیا کی میونسپل کورٹ نے کمبوڈیا نیشنل پارٹی کے سابق صدر پر سیاست میں حصہ لینے اور ووٹ ڈالنے پر غیر معینہ مدت کے لیے پابندی عائد کردی ہے جبکہ انہیں اہل خانہ کے علاوہ کسی سے ملاقات کی اجازت نہیں ہوگی۔
میڈیا رپورٹس کے مطابق کیم سوکھا کو 2017 میں وارنٹ کے بغیر ان کے گھر سے گرفتار کیا گیا تھا اور ان کی درخواست ضمانت کو متعدد بار مسترد کرکے انہیں گھر میں ہی نظربند رکھا گیا تھا۔
کمبوڈیا کی حکومت نے کیم سوکھا پر بیرونی قوتوں کے ساتھ مل کر ملک کے خلاف سازش کا الزام عائد کیا ہے۔
دوسری جانب کمبوڈین اپوزیشن رہنما کی سزا کے فیصلے پر امریکا نے تشویش کا اظہار کیا ہے ۔
Load/Hide Comments
اشتہار
اس ہفتہ کی شخصیت
